Lorde rikthehet pas katër vitesh me këngën “What Was That”
Pas një pauze katërvjeçare, Lorde ka publikuar këngën e saj të re “What Was That”, duke elektrizuar fansat në rrjetet sociale.
Kënga u shoqërua me një videoklip të xhiruar në New York, ku këngëtarja shfaqet duke vozitur biçikletë dhe përfshin pamje nga performanca e papritur në Washington Square Park, e cila u ndërpre nga policia për shkak të turmës së madhe.
“What Was That” është rikthimi i saj i parë që nga albumi “Solar Power” (2021) dhe sjell nota emocionale në stilin e “Melodrama”, me tekste që aludojnë për ndarjen e saj të mundshme me partnerin afatgjatë, Justin Warren.
Në tekstet prekëse, Lorde përmend kujtime adoleshente dhe dashuri të humbura, duke reflektuar ndjeshmërinë dhe pasigurinë që ka shprehur më parë në një letër të hapur për fansat.
Kënga vjen pas paraqitjes së saj me Charli XCX në Coachella, ku performuan bashkë “Girl So Confusing”.
Me publikimin e fundit, fansat janë entuziazmuar për rikthimin e saj në stilin e hershëm alt-pop që e bëri të njohur. /Telegrafi/
The post Lorde rikthehet pas katër vitesh me këngën “What Was That” appeared first on Telegrafi.
Albumet
Artistët
Lajme
Comments
This post currently has no comments.