Melinda Ademi mahnit me set veror në bregdet dhe paralajmëron këngën e re “Oj Shpirt”

Melinda Ademi ka ndezur atmosferën verore me një set fotografik magjepsës të realizuar në bregdet, ku shfaqet me një fustan portokalli plot stil dhe energji.

Artistja e njohur shpërndau disa imazhe mahnitëse në rrjetet sociale, duke reflektuar elegancë, freski dhe vetëbesim, në një kombinim perfekt me ngjyrat e stinës.

Por, përveç pamjeve tërheqëse, Melinda kishte një surprizë për fansat e saj.

Përmes këtij postimi, ajo njoftoi publikimin e këngës së saj të re të titulluar “Oj Shpirt”, e cila do të lançohet më 04 qershor 2025, ora 19:00.

Ky projekt i ri do të jetë pjesë e albumit të shumëpritur “BAD DIVA”, një ndër publikimet më të komentuara të karrierës së saj deri tani.

Me stilin e saj unik dhe prezencën magnetike, Melinda duket e gatshme të dominojë verën – si me pamjen, ashtu edhe me muzikën. /Telegrafi/

The post Melinda Ademi mahnit me set veror në bregdet dhe paralajmëron këngën e re “Oj Shpirt” appeared first on Telegrafi.

Written by Admin