Mariah Carey veshi një fustan me diamante që kushtonte 10 milionë dollarë në MTV VMA

Këngëtarja Mariah Carey mahniti me performancën e saj në MTV Video Music Awards, dhe kostumi i saj verbues tërhoqi vëmendje të veçantë.

Edhe pse nuk e kaloi tapetin e kuq para ndarjes së çmimeve Video Music Awards, ikona e muzikës doli në skenë për të performuar disa nga hitet e saj më të mëdha dhe për të pranuar çmimin Video Vanguard.

Ajo këndoi pjesë të këngëve “Sugar Sweet”, “Fantasy (Bad Boy Remix)”, “Honey & Heartbreaker”, “Obsessed”, “It’s Like That”, “Type Dangerous” dhe “We Belong Together”.

– YouTube youtu.be

Ajo u shfaq në skenë me një rrobë mëndafshi ngjyrë shampanje, por shpejt e hoqi për të zbuluar një kostum trupi me korse dhe kristale ari, të cilin e kombinoi me çizme me shkëlqim. Por “ylli i mbrëmjes” ishin bizhuteritë e saj.

Fituesja e pesë çmimeve Grammy mbante veshur një gjerdan me diamant “Rosee Eternelle” prej 204.38 karatësh dhe vathë të ngjashëm me llambadar nga Levuma, me vlerë deri në 10 milionë dollarë, ka mësuar PageSix.

Megjithatë, kjo nuk është e gjitha. Carey mbajti gjithashtu disa byzylykë me diamante gjatë performancës — duke përfshirë një byzylyk Etho Maria prej 72.15 karatësh dhe një bizhuteri Hamilton prej 37.62 karatësh — si dhe një unazë prej 3.25 karatësh.

Edhe pse dihet që ajo nuk beson te ditëlindjet dhe, në fakt, e quan plakjen e saj një “përvjetor”, Carey u bë fituesja më e vjetër e çmimit Video Vanguard në moshën 56 vjeç.

Fituesit e mëparshëm të Çmimit Video Vanguard përfshijnë: Katy Perry, Shakira, Beyonce, Madonna, Janet Jackson, Jennifer Lopez, Rihanna dhe të tjerë. /Telegrafi/

Written by Admin