Rita Ora hap sezonin e ri të skijimit në Ischgl

Resorti i njohur alpin në Tirol, Ischgl, ka fituar famë botërore jo vetëm për pistat e skive dhe jetën e natës, por edhe për koncertet madhështore ‘Top of the Mountain’.

Çdo vit, këto evente shënojnë hapjen dhe mbylljen e sezonit, duke sjellë mijëra vizitorë.

Këtë vit, më 29 nëntor 2025, Rita Ora do të performojë në koncertin e madh të hapjes së sezonit 2025-2026.

Rita Ora

Pas ditës së parë të skive (27 nëntor), atmosfera do të kulmojë me një DJ në orën 16:30, ndërsa koncerti spektakolar i Ritës do të nisë në orën 18:00 pranë Silvrettabahn.

Ora, një nga artistet britanike më të suksesshme të dekadës, është e njohur për hitet “Anywhere”, “Your Song”, “I Will Never Let You Down” dhe “Let You Love Me”.

Ajo ka thyer rekorde të rëndësishme, përfshirë atë të artistit britanik me më shumë këngë në ‘Top 10’ në Mbretërinë e Bashkuar (13 këngë), duke kaluar legjenda si Shirley Bassey.

Me turne të suksesshme, albume të vlerësuara dhe bashkëpunime me emra të mëdhenj si Avicii, artistja konfirmon edhe një herë statusin e saj si një yll ndërkombëtar që elektrizon skenën me performancat e saj. /Telegrafi/

Written by Admin