Me pamje të re dhe koreografi sensuale, Rita Ora publikon klipin e ri “All Natural”

Rita Ora duket mahnitëse në videoklipin e saj më të fundit, i cili u drejtua nga bashkëshorti i saj, Taika Waititi.

Këngëtarja, 34 vjeçe, shfaqi linjat e saj mbresëlënëse në videon e këngës “All Natural”, ku kishte veshur një jelek të bardhë dhe të brendshme të njëjta, shkruan DailyMail.

Videoja fillon me Ritan të ulur e duke lëvizur mbi një karrige në një ambient të errët, përpara se të ngrihet dhe të realizojë një koreografi vallëzimi.

Foto: Rita Ora/YouTube

Krijuesja e hiteve shfaqet me flokë bionde dhe me taka të kuqe. Duke mbajtur gjithashtu një palë syze dielli, ajo e kompletoi pamjen e saj sensuale.

“All Natural” është kënga e dytë e Ritës e publikuar këtë vit, pas këngës “Heat” në muajin qershor.

Së fundmi, Rita u gjend në qendër të vëmendjes së mediave pasi deklaroi se Sabrina Carpenter po e injoron dhe “nuk po i kthen mesazhe” në një intervistë të re.

– YouTube youtu.be

Krijuesja e hitit I Will Never Let You Down tha se Sabrina, 26 vjeçe, tani duket e pakontaktueshme, ndonëse më parë ato kishin kaluar kohë bashkë.

Rita tregoi në podcastin In Your Dreams With Owen Thiele se madje e kishte ftuar Sabrinën në një festë të Vitit të Ri.

Kjo ishte përpara se Sabrina të shpërthente në famë botërore me këngën “Espresso”, e publikuar vitin e kaluar.

Rita shpjegoi: “Ajo erdhi dhe ishte fantastike. Mendoj se ishte kulmi përpara ‘Espresso’-s [kënga hit e Sabrinës], dhe tani nuk mund ta kapësh më Sabrinën”.

Me një ironi të lehtë, Rita shtoi: “Në atë kohë më kthente mesazhet”.

Megjithatë, Rita menjëherë e tërhoqi komentin dhe këmbënguli se “po bënte shaka” dhe se “kishte ekzagjeruar”.

Ajo i tha moderatorit: “Jo, e kuptoj. Edhe unë jam e zënë. Po bëj shaka… Po ekzagjeroj. Ajo më kthen mesazhe. Është shumë e ëmbël”.

Këto komente vijnë vetëm një vit pasi ajo ndezi thashetheme për një bashkëpunim me Sabrinën, pasi publikoi fotografi të vjetra të tyre së bashku.

Ajo e udhëhoqi galerinë me një imazh të saj dhe këngëtares duke festuar me këngëtaren dhe kantautoren nga Afrika e Jugut, Tyla, në festën Dick Clark’s New Year’s Rockin’ Eve, të cilën Rita e kishte bashkë-prezantuar.

Fansat reaguan menjëherë në pjesën e komenteve, duke thënë se ishin të bindur se ajo po linte të kuptohej për një bashkëpunim muzikor.

Mbishkrimi i saj e shtoi edhe më shumë dyshimin, pasi ajo shkroi një mesazh domethënës për faktin se nuk është “kurrë vonë” për të nisur arritjen e objektivave në vitin 2024. /Telegrafi/

Written by Admin