Adri dhe Iliriana vijnë me “Haram”, në klip edhe Xheneta Fetahu

Dy artistët e njohur të muzikës shqiptare, Adri dhe Iliriana, kanë sjellë projektin e tyre më të ri muzikor me titull “Haram”, një baladë e ndjerë që po pëlqehet menjëherë nga publiku.

Kënga vjen me tekst dhe muzikë nga Kreshnik Avdiu, ndërsa për orkestrimin është kujdesur Arti Rec.

Videoklipi i “Haram” është realizuar nga N’sken, i njohur për projektet e tij me estetikë moderne dhe kinematografi të veçantë.

Foto: YouTube

Klipi i jep këngës një dimension vizual të fuqishëm që përforcon ndjenjën e mesazhit.

Protagoniste në videoklip është Xheneta Fetahu, ish-banore e Big Brother VIP Kosova 3, e cila ka tërhequr vëmendjen me paraqitjen e saj dhe interpretimin emocional.

Foto: YouTube

Kjo këngë pritet të bëhet një ndër baladat më të dëgjuara të sezonit, duke dëshmuar edhe një herë se dyshja di të prekë zemrat e publikut me projekte me shpirt dhe mesazh.

Ky projekt i ri e forcon më tej pozicionin e Adri dhe Ilirianës në skenën muzikore shqiptare, duke i renditur mes artistëve më aktivë dhe më të pëlqyer të momentit. /Telegrafi/

– YouTube www.youtube.com

Written by Admin