Dua Lipa reagon pas natës së parë spektakolare në festivalin ‘Sunny Hill 2025’: Ju dua me krejt zemrën
Dua Lipa emocionon me paraqitjen e saj në natën e parë të Sunny Hill – ndan fjalët prekëse pas performancës në Prishtinë
Pas një nate të paharrueshme në hapje të edicionit të sivjetmë të Sunny Hill Festival, këngëtarja me famë botërore Dua Lipa ka ndarë emocionet e saj me ndjekësit, duke publikuar disa fotografi dhe një mesazh falënderues në Instagram.
“SUNNY HILL FESTIVAL NIGHT ONE ”, e nisi ajo postimin, duke shtuar se ky festival është diçka që ajo dhe familja e saj e kanë krijuar me shumë dashuri për qytetin e saj, Prishtinën.
“Të shohësh se si ky festival merr jetë në këtë formë është përtej çdo ëndrre që kam pasur ndonjëherë”, shkroi ajo.
Ylli ndërkombëtar e përshkroi natën e saj në skenë si një përvojë të mbushur me energji, gëzim dhe krenari, duke theksuar veçanërisht momentin e ndarë në skenë me babain e saj, Dukagjin Lipën – bashkëthemelues i festivalit – si një kujtim që nuk do ta harrojë kurrë.
“Të performoja për ju, dhe të ndaja skenën me babain tim ishte një moment që s’do ta harroj kurrë,” shkroi ajo mes tjerash.
Dua e përmbylli postimin e saj me një mesazh të ndjerë për publikun: “JU DUA me krejt zemrën”.
Edicioni i këtij viti i Sunny Hill Festival ka nisur me një atmosferë elektrizuese, duke bashkuar artistë të njohur vendorë dhe ndërkombëtarë, ndërsa priten edhe dy net të tjera me surpriza të shumta për publikun. /Telegrafi/
The post Dua Lipa reagon pas natës së parë spektakolare në festivalin ‘Sunny Hill 2025’: Ju dua me krejt zemrën appeared first on Telegrafi.
Albumet
Artistët
Lajme
Comments
This post currently has no comments.