Jo vetëm humor, dy netë të mrekullueshme me muzikë ‘live’ në after-party ju presin në ‘Zurich Shqip Up Comedy Festival’

Humori shqiptar rikthehet më i fuqishëm se kurrë në Zvicër! Vetëm edhe dy javë kanë mbetur deri në nisjen e edicionit të katërt të Zurich Shqip Up Comedy Festival, që do të mbahet më 31 tetor dhe 1 nëntor 2025 – dy netë fantastike që premtojnë shumë të qeshura, energji dhe momente të paharrueshme.

Në këtë edicion, publiku do të ketë mundësinë të shijojë një numër të konsiderueshëm artistësh dhe komedianësh të njohur shqiptarë, që do të ngjiten në skenë për të sjellë humor autentik, satirë dhe situata nga jeta e përditshme që do t’i bëjnë të gjithë të qeshin me lot.

Por festa nuk mbaron me kaq!
Pas çdo nate të festivalit, atmosfera vazhdon në AFTER PARTY – me muzikë live dhe performanca që do ta mbajnë publikun në këmbë deri në orët e vona.

Më 31 Tetor, skenën do ta ndezë TNT, ndërsa më 1 nëntor, energjia do të kulmojë me performancën e Edona Reshitaj and Band, që do të sjellin një mbrëmje plot ritëm dhe muzikë të mirë.

Biletat janë tashmë në shitje në eventfrog.ch – mos e humbisni rastin të bëheni pjesë e një prej netëve më të bukura të humorit shqiptar në Zvicër!

Dy netë, dy atmosfera të zjarrta – Zurich Shqip Up Comedy Festival 2025 po afron! /Telegrafi/

Written by Admin