Lily Allen rikthehet pas shtatë vitesh me album të ri

Pas një pauze shtatëvjeçare, këngëtarja Lily Allen, është rikthyer në skenën muzikore me një album të ri, “West End Girl”, i cili thuhet se flet për ndarjen nga aktori David Harbour.

Ajo e festoi rikthimin të premten në mbrëmje në një event të organizuar për të dhe miqtë nga Perfect Magazine në restorantin Decimo në Standard Hotel në Londër, raporton The Standard.

“Isha e mbushur me emocione. Nuk mendoja se mund të shkruaja më muzikë”, tha Allen me lot në sy gjatë festës, duke zbuluar se sa shumë do të thotë ky album për të.

Në darkë, të ftuarit u pritën në tavolinë me diçka të pazakontë. Brenda kutive ishte një dhuratë blu dhe e bardhë në formën e një lodre për të rritur.

Dhurata ishte një referencë për një varg nga kënga e saj “Pussy Palace”, në të cilën ajo këndon për gjetjen e objektit në fjalë në çantën e burrit të saj.

Foto: Instagram

Lily dhe David u takuan në vitin 2019 dhe u bënë një nga çiftet më të njohura.

Ata konfirmuan zyrtarisht lidhjen e tyre po atë vit dhe u martuan në Las Vegas në vitin 2020.

– YouTube www.youtube.com

Martesa e tyre thuhet se përfundoi në dhjetor të vitit të kaluar pasi Allen akuzoi Harbour për tradhti. /Telegrafi/

Written by Admin