RAVE rikthen energjinë e verës në Prishtinë – me Armend Rexhepagiqin, Yousuke Yukimatsu, SVEN VÄTH dhe një Gala Night të paharrueshme

Muaji korrik dhe gusht pritet të sjellin net të paharrueshme muzikore në Prishtinë, teksa RAVE dhe partnerët e saj organizojnë një seri ngjarjesh që do të ndezin qytetin me emra të mëdhenj të muzikës, nga artistët legjendarë shqiptarë, tek yje të muzikës elektronike botërore.

Armend Rexhepagiqi dhe 15 vjet RAVE – “Dashni e Vjetër” në një natë të veçantë (19 korrik)

Festimet për 15-vjetorin e RAVE nisin me një mbrëmje emocionale dhe plot nostalgji. Më 19 korrik, këngëtari i njohur Armend Rexhepagiqi do të ngjitet në skenë me projektin “Dashni e Vjetër”, duke sjellë balada të dashura për publikun, në një atmosferë intime dhe të thellë muzikore.

RAVE Night me Yousuke Yukimatsu në Pallatin e Rinisë (25 korrik)

Prishtina përgatitet për një nga netët më elektrizuese të muzikës elektronike. DJ dhe producenti japonez Yousuke Yukimatsu, i njohur për setet e tij eksperimentale dhe atmosferike, do të performojë më 25 korrik në Pallatin e Rinisë – duke garantuar një përvojë unike për të gjithë adhuruesit e zhanrit.

“Rame Lahaj & Friends” Gala Night në kuadër të RLIOF (2 gusht)

Jashtë skenës RAVE, por në bashkëpunim artistik, më 2 gusht do të mbahet nata gala “Rame Lahaj & Friends” në kuadër të festivalit RLIOF. Një natë e veçantë operistike me yje të mëdhenj si Nino Machaidze (soprano), Dario Russo (bas) dhe vetë Rame Lahaj, nën drejtimin e dirigjentit italian Roberto Rizzi Brignoli. Një ngjarje klasike që do t’i japë Prishtinës madhështi muzikore.

SVEN VÄTH, ADIEL dhe QUEST – Day & Night Edition (16 gusht)

Një nga emrat më të fuqishëm të muzikës teknologjike, SVEN VÄTH, vjen në Prishtinë për një eksperiencë të plotë Day & Night, më 16 gusht. I shoqëruar nga ADIEL dhe QUEST, ky maraton muzikor do të fillojë në orën 14:00 dhe do të zgjasë deri në orët e para të mëngjesit. Me dy skena dhe artistë të shumtë, kjo pritet të jetë një nga ngjarjet kulmore të verës.

Biletat dhe informacionet praktike

Të gjitha eventet e mësipërme (përveç Gala Night) organizohen nga RAVE.

Biletat janë në shitje ekskluzive online në: www.rave-travel.com

Eventet e organizuara nga RAVE do të jenë cashless, andaj pjesëmarrësit këshillohen të përgatiten për pagesa digjitale në terren. /Telegrafi/

The post RAVE rikthen energjinë e verës në Prishtinë – me Armend Rexhepagiqin, Yousuke Yukimatsu, SVEN VÄTH dhe një Gala Night të paharrueshme appeared first on Telegrafi.

Written by Admin