“T’lo”, vjen si hiti i verës nga Ledri Vula dhe Era Istrefi

Pas nëntë vitesh që nga bashkëpunimi i fundit, Ledri Vula dhe Era Istrefi, janë ribashkuar për të sjellë një tjetër hit veror, të titulluar “T’lo”.

Kjo këngë vjen si një kombinim i fuqishëm i dy emrave të njohur të muzikës shqiptare, të cilët kanë treguar edhe një herë se kimia artistike mes tyre mbetet e pandryshuar.

Teksti i këngës është shkruar nga vetë Ledri dhe Era, duke ruajtur stilin e tyre origjinal.

Beat-i mban firmën e Adionthebeat dhe Lurro Music, që i japin projektit një ritëm modern dhe energjik.

Lexo po ashtu
Të gjitha lajmet nga Estrada Shqiptare

Videoja muzikore është realizuar nën regjinë e Fat Gjakovës, duke sjellë një pamje dinamike dhe vizualisht tërheqëse, që përputhet në mënyrë perfektë me atmosferën e këngës.

Ky projekt i ri pritet të jetë një nga kolonat zanore të kësaj vere, duke treguar se edhe pas shumë vitesh, bashkëpunimet mes ikonave të skenës shqiptare kanë ende shumë për të dhënë.

Të plotë tashmë këngën e gjeni në YouTube dhe komentet qenë tejet pozitive deri më tani. /Telegrafi/

The post “T’lo”, vjen si hiti i verës nga Ledri Vula dhe Era Istrefi appeared first on Telegrafi.

Written by Admin