Zara Larsson zbuloi se refuzoi të performonte në Festivalin e Këngës në Eurovision të vitit të kaluar për shkak të pjesëmarrjes së Izraelit

Këngëtarja suedeze, Zara Larsson, e cila fitoi famë globale me hite si “Lush Life”, “Midnight Sun” dhe “Crush”, ka zbuluar se ka vendosur të mos performojë në Festivalin e Këngës Eurovision 2024 në Malmo.

Arsyeja e refuzimit të saj, siç deklaroi ajo, ishte e natyrës politike dhe etike, që lidhej me pjesëmarrjen e Izraelit në konkurs.

Në emisionin “P4 Extra – Gasten”, Larsson tha hapur “jo” për Eurovisionin sepse nuk mendonte se mund ta mbështeste profesionalisht eventin duke pasur parasysh kontekstin e sulmeve në Gaza.

Zara Larsson

“Është një skenë gjigante, me më shumë se 100 milionë shikues, por thjesht nuk mund të duroja me ata që merrnin pjesë përkrah Izraelit. Në atë moment, nuk ndihesha mirë”, tha këngëtarja.

Larsson shtoi se nuk ndjen keqardhje për vendimin e saj dhe do të bënte të njëjtën gjë nëse do t’i ofrohej përsëri: “Do të isha e gatshme ta bëja njëqind herë. Nuk doja ta bëja sepse nuk mendoja se ishte e drejtë”.

Vendimi i Larsson vjen në kontekstin e protestës së gjerë suedeze kundër qëndrimit të Unionit Evropian të Transmetimeve (EBU).

Më shumë se një mijë muzikantë suedezë, përfshirë yje të famshëm si Robyn, nënshkruan një letër të hapur duke bërë thirrje për përjashtimin e Izraelit nga konkursi.

EBU vazhdon të pretendojë se Konkursi i Këngës në Eurovision nuk është një ngjarje politike dhe thekson se është një konkurs i shërbimeve publike radiotelevizive, jo i shtetit. /Telegrafi/

Written by Admin