Iggy Azalea nuk u lejua të përfundonte koncertin në Arabinë Saudite pasi iu grisën pantallonat gjatë performancës

Iggy Azalea pretendon se u detyrua të ndërpresë koncertin e saj në Arabinë Saudite pasi pësoi një incident gjatë performancës të së premtes mbrëma.

“Arabia Sauditë…Ndoshta vendi më i keq për të pësuar grisje të pantallonave dhe për fat të keq nuk më lejuan ta përfundoja shfaqjen”, tha reperja.

33 vjeçarja ndau një postim në rrjete sociale përfshirë edhe momentin kur iu grisën pantallonat.

Foto: TikTok

“Promotorët ishin jashtëzakonisht të sjellshëm me mua dhe njerëzit që erdhën ishin absolutisht mbështetës”, u shpreh ylli i “Problem”.

Azalea më pas tha në një mesazh për fansat: “Ju dua njerëz, kjo nuk ishte ajo që unë synova për shfaqjen, por është një kujtim që do ta kem përgjithmonë dhe në fund tregoi se sa të sjellshëm, të dashur dhe përkrahës mund të jenë njerëzit në një moment kaq të sikletshëm”.

Foto: TikTok

Reperja australiane gjithashtu iu drejtua incidentit në X, i njohur më parë si Tëitter, duke deklaruar pjesërisht se ajo dhe ekipi i saj “të gjithë donin të vazhdonin, por nuk u lejuan nga autoritetet për shkak të grisjes së pantallonave”.

Është e paqartë nëse Azalea planifikon të riplanifikojë shfaqjen e saj.

Foto: Getty Images

Incidenti i Azaleas të kujton atë që ndodhi së fundmi në koncertin e “The 1975” në Malajzi.

Grupi britanik u ndalua të performonte në vendin aziatik pasi frontmeni i tyre, Matty Healy, puthi shokun e grupit në skenë. /Telegrafi/

Foto: TikTok

The post Iggy Azalea nuk u lejua të përfundonte koncertin në Arabinë Saudite pasi iu grisën pantallonat gjatë performancës appeared first on Telegrafi.

Written by