Rikthehet pas tri vitesh, Selena Gomez zbulon domethënien e këngës së re “Single Soon”

Selena Gomez shpjegoi kuptimin e këngës së saj të sapo publikuar “Single Soon”.

Një ditë pas publikimit të projektit, këngëtarja, 31 vjeçe, bëri një postim në Instagram duke falënderuar fansat për mbështetjen e tyre.

Në mbishkrim, ajo la një mesazh të shkurtër por të ëmbël dhe dha një pasqyrë të rëndësisë së këngës së saj.

Aktorja e “The Only Murders in the Building” – e cila kohët e fundit bëri një koment të rrallë për ndarjen nga Justin Bieber – filloi: “Faleminderit njerëz për gjithë dashurinë në Single Soon”.

“Është një himn i gjallë për të qenë rehat në lëkurën tuaj dhe për të dashur shoqërinë tuaj”, vazhdoi ajo.

“Dhe është gjithashtu shumë argëtuese të kërcesh me të”, shtoi mes tjerash ylli i muzikës.

Fotoja që kishte shpërndarë ishte e një xhirimi nga videoklipi i saj – të cilin e lansoi të enjten mbrëma.

Fansat e saj të shumtë – prej të cilëve ajo krenohet me rreth 428 milionë vetëm në Instagram – u entuziazmuan për rikthimin e saj muzikor.

Me “Single Soon”, Gomez shënon publikimin e saj të parë solo në tre vjet. /Telegrafi/

The post Rikthehet pas tri vitesh, Selena Gomez zbulon domethënien e këngës së re “Single Soon” appeared first on Telegrafi.

Written by