Usher do të performojë në “Super Bowl 2024”

Artisti i njohur amerikan, Usher është konfirmuar si artisti që do të performojë në shfaqjen e pjesë së parë të “Super Bowl 2024” që do të mbahet në Paradise, Nevada.

NFL, Apple Music dhe Roc Nation e konfirmuan lajmin përmes mediave sociale të dielën (24 shtator) në një video ku shfaqet këngëtari i “Confessions” dhe Kim Kardashian.

“Është një nder i jetës që më në fund të shënoj një performoancë të Super Bowl nga lista ime e dëshirave”, tha Usher në një deklaratë.

Foto: Getty Images

“Mezi pres t’i sjell botës një shfaqje ndryshe nga çdo gjë tjetër që ata kanë parë nga unë më parë”, shtoi artisti.

Ai tutje falënderoi fansat e tij dhe të gjithë ata që i dhanë këtë mundësi, shkruan PageSix.

Foto: Instagram/Apple Music

Kjo do të shënojë herën e dytë të Usher që performon në Super Bowl. Në vitin 2011, fituesi i tetë herë i çmimit “Grammy” ishte i ftuar gjatë shfaqjes së pjesës së parë të Super Bowl XLV të Black Eyed Peas.

“Usher është një ikonë, muzika e të cilit ka lënë një gjurmë të pashlyeshme në peizazhin kulturor gjatë gjithë karrierës së tij, nuk mund të jemi më të emocionuar që ai të kryesojë shfaqjen e këtij viti të Apple Music Super Bowl Halftime Show”, tha Seth Dubwosky, kreu i muzikës për NFL.

Foto: WireImage

Ne mezi presim të punojmë me Usher, Roc Nation dhe Apple Music për t’u sjell fansave një shfaqje tjetër Halftime për librat e historisë”, thuhet tutje në deklaratën e tij.

Paraqitja e Usher do të pasojnë shfaqjen tashmë ikonike të Rihannas në Super Bowl 2023, në të cilën ajo befasoi fansat duke njoftuar shtatzëninë e saj të dytë me ASAP Rocky.

Foto: Getty Images

Ndërsa perfomonte në Stadiumin State Farm në Glenadle, Arizona, vitin e kaluar, këngëtarja e “Diamonds” e zbuloi barkun e rrumbullakosur teksa ishte e veshur në një kostum me ngjyrë të kuqe.

Rihanna lind fëmijën e dytë, një djalë Riot, në gusht. Dyshja janë gjithashtu prindër të djalit RZa , të cilin e mirëpritën në maj të 2022.

Ndërkohë, Super Bowl LVIII do të zhvillohet më 11 shkurt 2024 në Allegiant Stadium. /Telegrafi/

The post Usher do të performojë në “Super Bowl 2024” appeared first on Telegrafi.

Written by